يازين يوم اني انا وانتي صغار .. توما لبست شماغ وانتي عبايه.؟؟

يازين يوم اني انا وانتي صغار .. توما لبست شماغ وانتي عبايه.؟؟

قــــــــــصيده من باب الدعابه هع


يازين يوم اني انا وانتي صغار
توما لبست شماغ وانتي عبايه..


بالطول ماناصل ولا خمسة اشبار
دايم نقيس اطوالنا بالمرايه..


مابيننا شي (ن) نخبيه واسرار
ماغير لعب اطفال كل الحكايه..


ماهمنا موجز ولا نشرةاخبار
التسليه صارت وسيله وغايه..


وان جا فلم كرتون للبس و الفار
نجلس نتابع قصته للنهايه..


بالمدرسه نزعل على شان الاصفار
انتي سبب لعبك وانا من غبايه..


ياما تهاوشنا على كيس فشار
اركض به وافرح بطردك ورايه..


وان قلتي يا(عبود) ياويلك من النار
اخاف واستسلم وابين خطايه..


والى ضربتيني تقل بيننا ثار
وان قلت كافي قلتي ماهو كفايه..


والى زعلت وقلت ابا اروح للدار
صحتي وقلتي اسفه يا غلايه..


واصدقك وافرح بعد ذيك الاعذار
واجيك لا حاقد والا احمل وشايه..
.
.
هذي طفولتنا براءه وتذكار
دايم نحن اليا ذكرنا البدايه.
.
واليوم ابا اكتبها سواليف واشعار
وافكر انتجها بفلم وروايه