عسى ماشر

عسى ماشر ياللي لجل عينك والليال طوال
سهرت الليل يوم ان العرب في ظله نيامي

لجل عينك سهرته لجل تبقى صورتك بالبال
لجل مايندمل جرحك ويبقى دايمن دامي

صبرت ولو مكاني ظلع يصبح من عناك رمال
صبرت ولا شكيت ولابكيت الا على اقلامي

احبك ايه احبك والجمل يصبر على الجمال
احبك والمحبه في ضميري جمرها حامي

احبك ياحبيبي واسمع اللي من بعادك قال
تعالي واجرحيني وافتحي صدري وبه نامي

كفى ترحال مابين الامل والياس ..والترحال!
ذبحني. هد حيلي. حطم الباقي من احلامي

والا ياغاليه صوت الصدى اقسى من الاقوال
والا ياغاليه طرد السراب يعذب الظامي

دخيلك طمن اللي عذبه بعدك وسم الحال
ترى هذى من حقوقه عليك .وحق ألزامي